今日係年初四,KY要返工(祝你開工大吉,生意興隆,事事順利),而CC就繼續放假,煎了一些糕吃,因為有少少頭痛,所以早上在家休息.
中午,同May媽去了二期的金滿庭食lunch....因為今日係CC農曆生日,所以請媽媽食lunch,謝謝她3x年前帶我來這個世界....hoho!
.JPG)
.jpg)
.JPG)
.jpg)
大年初一祝各位身體健康、新年快樂...
祝考試的朋友仔(特別係阿珊)，順順利利考入心目心中理想的大學...
祝今年將會結婚的六對情侶，恩恩愛愛，白頭到老...
祝Eyton仔及今年出世的龍BB健健康康、快高長大...
祝CC父母、老爺、奶奶、親戚們心想事成、富貴吉祥！
May媽一早起身整了齋....因為好似話初一早上係食齋架喎.
我地首先就去天水圍同爺爺拜年,看見成屋都係May媽寫的揮春,一個字：「勁!」...中午在爺爺家食May媽整的齋...好味呀!
之後,CCKY就去了KY伯娘度拜年....中場休息...去了美孚的百樂門囍宴飲茶,HEHE!
再去KY舅父家拜年,謝謝舅母自家製的家鄉小食和好多糕點招呼,真係有D唔好意思>.<
回家休息一會,CCKY就去了Elements行街街,影下相,去Starbucks食嘢飲嘢當DINNER....SO HAPPY TODAY!!
今日是年廿九,由於今年沒有年三十,所以今晚便是食團年飯的日子了....一家人在家食團年飯最開心^^
早上,CCKY同May媽去名苑飲茶,之後就去買餸回家開工....CC幫手炸腰果....就想起.....以前嫲嫲在生的時候，每次炸完腰果就叫我試食（其實都係偷食），因為太好味，所以越食越多，剩番一半左右炒西芹都試過.
下午茶是CC整的可樂味啫喱加多花奶和蘿蔔糕,芋頭糕^^
跟住CC就去交收和買燒味回家.....$128蚊一斤燒肉....OH NO!
終於開飯了.....有粟米魚肚羹,黃金蝦球,腰果帶子炒西芹,鮑魚發菜生菜蚊冬菇,炸蠔同埋外賣(燒肉和叉燒)....好豐富的一餐呀!飯後仲有細佬買回來的糖水(豆腐花)，唔洗落糖都好甜！
今年就快過啦.....希望新的一年順順利利,開開心心啦!!
今日一早就同KY去了佢鍾意去的那間茶餐廳食早餐,之後CC就去看中醫針灸,再去銀行取新銀紙同Disney利是封,再會合May媽去太子買D嘢....
回家後就開始封利是.....haha!又點算一下今年買了同親戚送的糕點^^
下午,CCKY同May媽,爸爸一行四人去了花墟行花市,因為怕明晚會迫,所以提早一日去行...一入去就幫襯d中學生買了些小食...之後都係行的多,爸爸買了佢鍾意食的雞仔餅,CC就怕怕>.<
行完,我地就轉戰花墟,不過都沒有買花,因為太多人,同埋怕敏感
行完,我地就去了始創和民食DINNER.....可惜麻麻地,差咗好多,D嘢貴份量少又唔好食....所以唔洗排隊都有位>.<下次不會再來了.
之後因為食唔飽的關係,CCKY行完一陣街,買了兩件衫過年著,就去了家附近的Black N White食甜品...今次輛到KY俾CC驚喜了,因為今日係CCKY拍拖4周年,所以佢叫人在甜品碟上加了拍拖4周年的字....SO SWEET!今次試的是朱古力蛋糕,法式薄餅(Crepes),咖啡(KY飲的,佢話好濃,飲完佢成晚瞓唔著,HOHO!)...好好味呀!我決定要試晒古師傅(曾工作於五星級文華東方酒店,朱古力名店 Vero 的前行政餅廚古嘉俊師傅)呢度D甜品...HAHA!
Thanks my love....KY!
